Yes娛樂4月4日訊 陳奕迅完成了27 場個人演唱會後，飛去了北海道放假一個月，冰天雪地中修煉回來，即推出新歌《塵大師》，Eason坦言，冰天雪地中並沒有滑雪滑到會飛，反而修煉了修理吸塵機的學問，在大自然中休息，是為放鬆自己心中緊扣的結，然後收拾心情，為世界巡迴出發作準備。
塵大師這首歌由2020年開始籌劃，Eason唔講都唔知原來用了三年時間去搞，「一直慢慢做，做了三年，從來未試過可以慢慢咁做歌，最初有啲唔慣添，以前一年出三隻碟，兩隻廣東一隻國語。四大天王仲癲，一年三隻碟拍十部戲。當大家可以慢一啲 ，又可以投入多啲落去，出來的內容可以再深層次，其實繫好開心。」
由收到林家謙的曲後，Eason謂曲自己十分喜歡，想起多年來都很欣賞林海峰的詞，所以就請阿JAN為他填詞，再邀請李榮浩編曲，收到李榮浩的編曲時，他一個人在隔離中，第一次聽，成個人震曬，眼淚水不自覺標出來，「可能我對音樂特別敏感啦 …..結他聲鼓聲都太動聽...我覺得同首歌意境好夾，歌詞叫你做人要冷靜再入定，但結他像人世間上的各種執念、撩住、拮住你嗰個想入定嘅心，令個人就好興奮，真繫好正。編曲有了之後，阿JAN個人一啲都唔 『系咁咦」羅，好認真，歌詞、段落上下都為配合編曲調及改幾次，本來首歌冇達哥(吳孟達)，因為做緊個陣達哥過身，Jan即刻又加返，作為一種默默的致敬。又畫埋個塵大師公仔比我，等我可以出埋動畫版MV，真繫好正，好多謝佢。」
談到近年Eason似乎淚水忽然多了，上次演唱會上演過27年來第一次臺上喊，聽李榮浩編曲又落淚，Eason剖白未知是不是年紀大了，心開始變得柔軟，「我係一個好抑壓的人，以前咩都死撐住，覺得咩呀，梗系輸人唔輸陣，所以咪只得黑麵，或者嘻嘻哈哈比人睇，依家人大個左，開始好易就被感動到。歌叫塵大師，我做唔到大師啦 ，我都系人，大咩師，我只系一粒塵，好渺小。我有時都會諗，塵歸塵土歸土，有一日我都會返去化為塵，所以做人唔好睇到自己咁大，否則會變好?塞，我地其實好渺小，一個大風吹埋黎，可以咩都冇曬。 我睇到一啲朋友聽歌後留言，都話今日好唔掂就爆血管，聽完首歌鬆一鬆，我就好開心，林海峰填呢首詞，都系想送比香港人啦，希望大家一齊可以度過所有緊張日子，放鬆一下心情。」
經過27場演唱會，Eason直言之前一直備戰狀態拉緊的神經，終於鬆下來，但因為拉緊了這麼長的日子，像打結的繩子，上面仍有很深的摺痕，「未松曬，去旅行我都係為尋求大自然嘅寧靜，冇乜玩?，經常留喺住個間屋到洗下碗，洗下地，邊洗地邊洗滌心靈。同埋勁呀我，學識埋修理吸塵機，又拉又剪將纏住系吸塵機上面的頭髮呀，垃圾呀，全部清曬！個一刻，成個人都好有成就感，哈哈。喺旅行期間，都撞到好多人呀，好難話冇人認得出我，試過喺義大利山上懸崖路邊都有人認出...哈哈，所以我都化左好多啦，有時間叫我影張相，我都會影 ，只系如果我趕時間，我驚我太熱情一陣影完相同人吹起上來，我就唔影羅.....。 」
休息過後，又再出發，4月巡迴演唱會開始，先去新加坡、馬來西亞，反應非常熱烈，7 月會去臺北小巨蛋，一開七場，Eason說自己回來想了一下，是否需要找健身教練訓練體能，豈料經理人撥冷水指他之前27場都沒有去過，「好好笑，我諗返又系喎，我有操過，當時都系打下波，哈哈哈.....但系我都反駁佢咁見下健身教練吹下水唔得咩，哈哈。」
巡演的Fear and Dreams，Eason指骨幹是不會變，但歌單會稍作改動，畢竟出去就是面對全世界華人觀眾，因此會加入一些國語歌，因應場地問題，裝置上亦會有改動，唯演唱會想要帶給大家的資訊，則會原汁原味地呈現在觀眾眼前。除了以上三個地方，他還笑言，「其實諗到嘅地方，有機會都想去，美加、澳紐、歐洲，甚至非洲、印度有人想聽我唱歌，我都想去呀....哈哈。」